Anglia kaloi në çerekfinale të Kupës së Botës në Katar me zhurmë golash. Kundër Senegalit vetëm 30 minuta vuajtje, pastaj Tre Luanët dominuan totalisht, duke marrë rezultatin që i vendos përballë Francës. Duke përfituar nga përfaqësimi bindës në 1/8, mesfushori i Anglisë, Declan Rice, ka komentuar suksesin e Tre Luanëve kundër Senegalit. Një triumf që e dërgoi skuadrën me të drejtë në çerekfinale ndaj Francës.
“Kombëtaret e tjera mund të fillojnë të kenë frikë nga ne tani”, ka thënë anglezi me shumë vendosmëri dhe entuziazëm, siç nënvizon Goal. "Ne jemi një ekip i mrekullueshëm, por nuk marrim merita për atë që bëjmë. Kur skuadra si Argjentina apo Holanda e fitojnë ndeshjen e tyre lehtësisht, atyre u thuhet se janë të forte. Ndërsa ne jemi të nënvlerësuar", e përfundoi mendimin kritik Rice.
Lexo më tej: Video/ Tris ndaj Senegalit, zhbllokohet edhe Kane: në çerekfinale beteja epike me Francën
Tani do të shohim se si do të sillet skuadra e teknikut Southgate në çerekfinale ku, me shumë mundësi, nuk do të ketë në dispozicion Sterling. Lojtari është detyruar të kthehet në Angli pasi ndodhi një grabitje në shtëpinë e tij. Një problem tjetër për tu zgjidhur nga trajneri, që mund t'i besojë Foden, bashkë me Kane dhe Rashford.
