Tërheqje sensacionale për "shiritin ylber" në Katar 2022. Në një deklaratë të përbashkët, Anglia, Uellsi, Belgjika, Danimarka, Gjermania, Holanda dhe Zvicra kanë njoftuar se nuk do ta mbajnë gjatë Kupës së Botës. Një vendim i vuajtur dhe i detyruar nga qëndrimi i ashpër për këtë cështje nga FIFA. Ata kanë bërë të ditur se kanë ndërmend të ndëshkojnë me kartona të verdhë kapitenët që nuk respektojnë rregulloren në fushë. "FIFA ka qenë shumë e qartë se do të vendosë sanksione sportive nëse kapitenët tanë mbajnë shiritin në fushë. Si federata kombëtare, ne nuk mund t'i vendosim lojtarët tanë në një pozicion ku ata mund të jenë subjekt i sanksioneve. Kështu që ne kemi kërkuar nga kapitenët të mos tentojnë të mbajnë shiritin One love gjatë ndeshjeve të Kupës së Botës".
"Ne ishim gati të paguanim gjoba, por nuk mund t'i vendosim lojtarët në një pozicion për t'u ndëshkuar. Apo edhe ndoshta për t'u detyruar të largohen nga fusha. Ne jemi shumë të frustruar nga vendimi i FIFA-s, lojtarët dhe trajnerët tanë janë të zhgënjyer. Ata janë mbështetës të fortë të përfshirjes dhe do të tregojnë suportin e tyre në mënyra të tjera."
KRAHU I HEKURT
FIFA, pra, fiton krahun e hekurt me ekipet kombëtare evropiane, që synonin të protestojnë kundër stereotipeve dhe diskriminimit të homoseksualitetit në Katar. Ata kishin menduar ta bënin përmes simbolit të gjithëpërfshirjes së shiriti ylber. Për ta bërë këtë, FIFA duhej të përdorte “forcën”, duke iu përmbajtur rregullores. Sipas saj, lojtarët mund të veshin vetëm veshje zyrtare dhe aksesorë të furnizuar nga FIFA gjatë garës.
Një rregull që nuk lejon përjashtime dhe që në rast shkeljeje parashikon ndëshkim në fushë me karton të verdhë. Situatë që ka detyruar kombëtaret europiane të bëjnë një hap prapa. Edhe pse ishin zotuar të mbanin shiritin “One love” dhe që tashmë do të vazhdojë të shkaktojë shumë diskutime. “Kjo bie ndesh me frymën e sportit tonë që bashkon miliona njerëz”, deklaroi e para Federata Holandeze. Një mendim që shpreh konsideratën e të gjitha kombëtareve të tjera.
