Në prag të Katar 2022, e përditshmja braziliane O Globo ka përpiluar renditjen e lojtarëve më të mirë brazilianë në Kupën e Botës. Vlerësimi për këtë renditje speciale është bërë përmes një jurie prej dhjetëra gazetarësh. Fituesi i anketës ishte Pele, siç ishte e natyrshme. Edhe pse tre votues shënuan Garrincha si numrin një, duke konfirmuar atë që mendojnë disa në Brazil.
Pele është më i miri për epërsinë e tij të padiskutueshme në kompletimin tekniko-fizik. Garrincha, në anën tjetër, është i dashur për poezinë e driblimit dhe brishtësinë e tij. Ronaldo Fenomeni kompletoi podiumin. Fenomeni fitoi dy "Copas" kundër tre të Peles, edhe pse në vitin 1994 Ronaldo 17-vjeçar nuk luajti asnjë minutë. Por sulmuesi është golashënuesi më i mirë i Seleçao në Kupën e Botës, me 15 gola në 19 ndeshje. Një mesatare e jashtëzakonshme. Në vendin e katërt Romario, kopertina e SHBA '94, ku Brazili fitoi në finale me penallti kundër Italisë. Gjithashtu në dhjetëshen e parë është Nilton Santos, i mbiquajtur Enciklopedia, mbrojtësi fantastik i majtë i triumfeve në 1958 dhe 1962.
PARADA E YJEVE
Shumë të mëdhenj kanë mbetur jashtë dhjetëshes së parë: Cafu (11), Bebeto (13), Vava (15), Rivelino (16), Ronaldinho (17), Zico (19), Djalma Santos (22) ), Tostao (25), Falcao (27), Socrates (28), Roberto Carlos (29). Për treshen e famshme Zico, Socrates dhe Falcao duket se janë pasojat e eliminimit të bujshëm në Spanjë '82. Ai Brazil, me Tele Santana si trajner, konsiderohet në tërësi një nga më të bukurit ndonjëherë, por nuk e fitoi Kupën. Tepër penalizues vendi i 16-të i Rivelino, lojtar absolut, në vitin 1970, i “errësuar” nga madhështia e Pele. Majtoshi i mrekullueshëm i frikshëm për teknikën e kontrollit të topit dhe fuqinë e goditjes, ishte shpikësi i “elastikut”, driblim i veçantë i rifreskuar më pas nga Ronaldinho.
TOP 10
1 ° Pelé (1958, 1962, 1966 e 1970) 14 ndeshje e 11 gola në Botëror
2° Garrincha (1958,1962 e 1966) 12 ndeshje e 5 gola
3° Ronaldo (1994, 1998, 2002 e 2006) 19 ndeshje e 15 gola
4° Romario (1990 e 1994) 8 ndeshje e 5 gola
5° Didì (1954,1958 e 1962) 14 ndeshje e 4 gola
6° Nilton Santos (1950,1954, 1958 e 1962) 15 ndeshje e 1 gol
7° Jairzinho (1966, 1970 e 1974) 16 ndeshje e 9 gola
8° Zagallo (1958 e 1962) 12 ndeshje e 2 gola
9° Gerson (1966 e 1970) 5 ndeshje e 1 gol
10° Rivaldo (1998 e 2002) 14 ndeshje e 8 gola
