Reali mposht Mallorcan pa Benzema dhe Ancelotti shijon zgjidhje të reja dhe... shënues të tjerë në mungesë të francezit. Megjithatë, përtej rezultatit, siç raportohet nga AS, ka shpërthyer rasti Asensio.
Lojtari fillon të humbasë durimin dhe, më e keqja, nuk bën asgjë më për ta fshehur. Si anësori, ashtu edhe Mariano, bënë nxemje për një kohë të gjatë, por Ancelotti u detyrua të bënte një ndryshim të papritur për shkak të dëmtimit të Lucas Vázquez. Hapësira e fundit u rezervua kështu për Carvajal. Zgjedhje të detyrueshme, por që nuk u kapërcyen nga Asesnio. Kur Davide Ancelotti iu drejtua atij dhe Marianos duke i shpjeguar se nuk ishte rasti të vazhdonin nxemjen, Asensio e pati të vështirë të fshihte zemërimin dhe zhgënjimin e tij: hoqi jelekun e tij, e hodhi me një lloj inati dhe më pas u ul rëndë në pankinë pranë shokëve të skuadrës.
Reagim që Ancelotti, në fund të ndeshjes, e mirëkuptoi. Trajneri italian e ka theksuar këtë në konferencën për shtyp. "Në fakt unë doja të bëja një zëvendësim. Nuk është rastësi që edhe Mariano po bënte nxemjen. Më pas u dëmtua Lucas Vazaquez dhe në atë moment u hodhën në erë të gjitha planet. E kuptoj që është i inatosur, nëse është edhe unë jam dakord me të. E kuptoj që do të luajë, është e rëndësishme që çdo lojtar të dalë në fushë. Ai është një nga lojtarët më të penalizuar në skuadër, e pranoj këtë." Numrat dëshmojnë se kanë të drejtë... të dy. Asensio ka pak minuta në shtatë daljet e para. Dy prezenca, një në Liga dhe një në Ligën e Kampionëve, në total 17'. E është tejkaluar, në hierarki, nga Rodrygo dhe Hazard.
Gjithçka sugjeron se lamtumira e planifikuar për verën e kaluar vetëm është shtyrë. Edhe para mbylljes së afatit kalimtar dimëror, lojtari kishte menduar të largohej nga Casa Blanca por për mungesë alternativash dhe kohe ai mbeti në Madrid. Ndërkohë ai ka ndryshuar menaxherë duke u mbështetur te Jorge Mendes. Ndjesia është se ai do të largohet nga Reali janarin e ardhshëm, duke i lejuar edhe klubit të arkëtojë diçka, duke pasur parasysh se kontrata e tij skadon në qershor 2023 dhe ideja e rinovimit nuk është në planet e asnjërës palë.
