Në fillim u duk se rikthimi i Pogba do të ndodhte së shpejti, duke qenë se lojtari doli në stërvitje me top, por gjërat kanë ndryshuar në mënyrë të befasishme, duke e lënë të hutuar Juventusin: Paul Pogba, çuditërisht, vendosi të bëjë operacion gjurin e djathtë duke u futur në sallë pikërisht sot. Francezi ka bërë prapaktheu nga idea për terapinë konservatore të zgjedhur më herët. Koha e parashikuar e rikuperimit është midis 40 dhe 60 ditë. Tani pritet vetëm deklarata e Zonjës së Vjetër.
Është një zgjedhje e papritur, ndoshta rezultat i periudhës delikate që po kalon francezi: problemi i gjurit u shfaq gjatë turneut në SHBA, duke e vendosur Oktapodin përballë një udhëkryqi: të vepronte menjëherë, duke rrezikuar të jetë sërish i disponueshëm vetëm në fillim të vitit 2023, apo të rrezikonte duke luajtur pavarësisht nga kundërindikacionet? Fillimisht Pogba kishte zgjedhur opsionin e dytë, për të ndryshuar mendje vetëm në orët e fundit. Në minutat e ardhshme ai do t'i nënshtrohet meniskektomisë, duke shpresuar që të jetë sërish i disponueshëm para Kupës së Botës në Katar. Kështu, kampioni i Botës do të kthehet pikërisht në kohë për thirrjet në Katar dhe do të rrezikonte të rikthehej në kapacitet të plotë te Juventus jo para janarit, siç theksoi në konferencë vetë Max Allegri.
