Harry Maguire, në javët e para të Premier League pati pak shanse për të luajtur në fushë, por pavarësisht se trajneri Erik ten Hag e la shpesh mbrojtësin në pankinë, e ardhmja e lojtarit në kombëtaren e Anglisë është e sigurt. Trajneri i Tre Luanëve, Gareth Southgate i ka thënë kapitenit të Djajve të Kuq se vendi i tij në ekip nuk është në rrezik. 29-vjeçari tani është në pritje të thirrjes për dy ndeshjet e ardhshme të Ligës së Kombeve dhe Botërorin e ardhshëm.
Kapiteni i Manchester United u zgjodh si titullar nga ten Hag për dy ndeshjet e para të sezonit në Premier League, por humbi vendin e tij pas humbjes 4-0 në Brentford. Holandezi, në fakt, preferoi të vinte në fushë si titullar Lisandro Martinez. Argjentinasi dhe Raphael Varane kanë krijuar një partneritet solid mbrojtës dhe Djajtë e Kuq kanë fituar tre ndeshje radhazi.
Ndërkohë Maguire ka ngrohur stolin dhe ka tentuar të rimarrë vendin e tij me afrimin e Kupës së Botës. Megjithatë, trajneri i Anglisë, Southgate, siç raporton The Sun, tashmë ka kontaktuar me 29-vjeçarin dhe i ka thënë se vendi i tij në kombëtare është i sigurt. Sipas trajnerit, mbrojtësi, i cili ka bërë tashmë 46 paraqitje për Anglinë, është një element kyç i skuadrës dhe do të jetë pjesë e planeve të tij për Katarin.
Megjithatë, ka të ngjarë që Maguire të gjejë më shumë hapësirë te United në javët e ardhshme. Europa League, në fakt, po afron dhe Djajtë e Kuq do të përballen me një kalendar më intensiv. Mbrojtësi shpreson të thirret nga Southgate tashmë për Ligën e Kombeve. Anglia do të përballet me Italinë në Milano më 23 shtator dhe Gjermaninë në Ëembley tre ditë më vonë. Tre Luanët do të dalin në fushë më 21 nëntor kundër Iranit për ndeshjen e tyre të parë në Kupën e Botës.
