Në shtëpinë e Inter, dëmtimi i Romelu Lukakut është gjithmonë në qendër të vëmendjes. Për momentin nuk është ende e qartë se kur sulmuesi do të mund të kthehet në dispozicion të Inzaghit, por përshtypja është se koha nuk do të jetë shumë e shkurtër. Në marrëveshje me stafin e klubit zikaltër, në fakt, sulmuesi do të fluturojë drejt Belgjikës për t'iu nënshtruar kontrolleve të mëtejshme në kofshën e majtë edhe nën mbikëqyrjen e mjekut të kombëtares dhe për të kuptuar se si do të vijojë me procesin e rehabilitimit. Një lëvizje që duket se e përjashton mundësinë që lojtari të stërvitet së bashku me pjesën tjetër të grupit para pushimit për impenjimet e kombëtareve dhe që do ta detyrojë Interin të qëndrojë edhe për pak kohë pa sulmuesin e tij.
Duke bërë llogaritë me kalendarin, për shkak të dëmtimit të përkulësve të kofshës së majtë, Lukaku ka humbur tashmë ndeshjen ndaj Cremoneses dhe derbin. E nëse nga Belgjika nuk vijnë lajme më inkurajuese, Romelu mund të detyrohet të ngrejë flamurin e bardhë edhe për ndeshjet ndaj Bayern, Torinos, Viktoria Plzen dhe Udineses. Të gjitha me synimin për t'u paraqitur sërish 100% pas pauzës së kombëtareve, në kohë për ndeshjen ndaj Romës.
