Një ndeshje e tensionuar ajo mes Kastriotit e Egnatias e përfunduar me fitoren me përmbysje të krutanëve. E megjithatë, pas ndeshjes, tekniku Zekerija Ramadani ka denoncuar dhunën e pësuar në Kamëz para ndshjes: “Këtu ndikoj edhe një episod para se të fillonte takimi. Ajo pritja e Kastriotit. Nuk e di kush e bëri. E kishin bërë Pedron me shenja, kishte thonjtë në fyt – tha tekniku shqiptaro-maqedonas, duke akuzuar edhe trajnerin e Kastriotit Çela -. Unë e di që jam i huaj, por jam shqiptar dhe ofendimet e kolegut tim… unë mendoj se duhet t’i vijë turp nëse e bën atë gjë ndaj një kolegu”.
Tekniku e ka lënë në plan të dytë rezultatin e ndeshjes: “Humbjen e menaxhojmë, por ato momente më kanë prekur shumë. Unë nuk do ta kisha bërë kurrë. Ndodhi gjatë sfidës. U ofendova u shava nga kolegu im me gjithçka. Por unë nuk jam në nivelin e tij, nuk mund të reagoj, por me një buzëqeshje që i dhashë, ai kuptoi gjithçka. Kjo nuk bën mirë. Jam i huaj, por jam shqiptar dhe e kuptoj gjuhën shqipe”.
