Nga fusha mbi motor, për tu kthyer në kohë për pjesën e dytë: lojtari, i dypunësuar, duhet të bënte një dorëzim

Të bëhesh futbollist, dihet, është objektivi i shumë njerëzve, por për shumë të tjerë është vetëm një punë e dytë ose një hobi. E ka të qartë Gersy Arámbulo, futbollisti peruan 19-vjeçar, i cili, në pushimin e pjesës së parë të një ndeshje të Kupës së Perusë, u nis shigjetë për të bërë një dorëzim me motor. Gersy, në fakt, është një shpërndarës porosish dhe kishte marrë një detyrë përmes një prej aplikacioneve më të njohura të shpërndarjes në vendin e Amerikës së Jugut. I riu, i lindur në vitin 2003, është një lojtar i krahut të djathtë dhe luan për Las Águilas de Santa Ana. Kur arbitri fishkëlleu për të përfunduar pjesën e parë, 19-vjeçari shkoi në pankinë, rrëmbeu çantën e tij të shpinës Rappi (një nga kompanitë më të njohura të dërgesave në Peru) dhe u nis për të dhënë një porosi. Lojtari përfitoi nga intervali për të bërë një dorëzim me motor. Historia e tij u përhap nga gazetari Pedro Zevallos Guillén, i El Amague, i cili shkroi: “Ky rast duhet të jetë, për momentin, unik në botë: e kam fjalën për Gersy Arámbulo, lojtarin e krahut të djathtë i lindur në 2003. Ai luan Kupën e Perusë për klubin Las Águilas de Santa Ana, në distriktin Los Olivos dhe përfitoi nga pushimi i ndeshjes për të hipur mbi motor dhe për të dorëzuar një porosi". Klubi, në rrjetet sociale, më pas i shkroi një mesazh inkurajues lojtarit të tij: “Kurrë mos u dorëzo, vazhdo të punosh për të realizuar ëndrrat e tua Gersy”.

Este caso debe ser, por ahora, único en el mundo: Él es Gersy Arámbulo, extremo derecho de la categoría 2003. Juega @CopaPeruFPF en Las Águilas de Santa Ana del distrito de Los Olivos y aprovechó el entretiempo del partido de su equipo para coger su moto e ir a dejar un pedido. pic.twitter.com/HSQrpCDBGX

— Pedro Zevallos Guillén (@pedrichenko) April 26, 2022

19-vjeçari ishte larguar nga fusha për rreth 17 minuta. Arámbulo, i cili është babai i një vajze 2-vjeçare, tha për TN se luan, punon, por studion edhe mekanikë automobilistike: “Në mëngjes stërvitem me ekipin dhe pasdite, nga ora 17:00 deri në 23:00, unë dal për të dhënë porosi. Unë kam nevojë për para për t'i dhënë vajzës sime një të ardhme më të mirë, për të përmirësuar jetën e saj. Si çdo baba që dëshiron gjithmonë më të mirën për fëmijët e tij. Atë ditë kam punuar edhe para dhe pas ndeshjes”. Turneu mbledh skuadra të shumta nga i gjithë vendi dhe është turneu më i rëndësishëm i futbollit amator në Peru. Objektivi është ngjitja në Primera Divisione. I dyti i klasifikuar ka mundësi të luajë në Divisionin e dytë. Lojtarët e përfshirë në Kupën e Perusë nuk marrin rrogë të mjaftueshme për tu dhënë atyre qetësi financiare. Kjo është arsyeja pse ata nuk mund të bëjnë vetëm sport, por duhet të kenë punë shtesë.