Chelsea dhe Liverpool do të sfidohen në finalen e FA Cup 2022, e planifikuar për të shtunën më 14 maj në Wembley. Pas fitores së djeshme të Reds ndaj Manchester City, në gjysmëfinalen e dytë në Londër, të besuarit e Tuchel mundën 2-0 Crystal Palace me golat e Loftus-Cheek dhe Mount, të dy në pjesën e dytë. Ëndrra e skuadrës së Vieira, zbulimi i turneut, merr fund, ndërsa për blutë është finalja e tretë radhazi.
Blues bashkohen kështu me Reds, ndëshkuesit e djeshëm të Manchester City, falë fitores aspak të lehtë, 2-0, në gjysmëfinalen e dytë ndaj një Crystal Palace befasues. Skuadrës së Tuchel, që kështu ngrihet në këmbë pas eliminimit në çerekfinale të Champions League me Real Madridin, iu desh më shumë se një orë për të kapërcyer mbrojtjen e rregullt të të besuarve të Vieira, që si lojtar e ka fituar pesë herë këtë kompeticion me fanellat e Arsenal dhe City. Në fakt, ishte minuta e 65 kur Loftus-Cheek zhbllokoi ndeshjen me një goditje nga brenda zones, në sugjerimin e Havertz. Kaluan vetëm njëmbëdhjetë minuta, nga aim omen, përpara se Mount të shënojë edhe të dytin, në asistin e Werner. Dy gola që shembin Crystal Palace, zbulimin e turneut, duke e çuar Chelsean në finalen e tretë radhazi në FA Cup, me suksesin që megjithatë i mungon që nga viti 2018.
