Dështoi të shkonte në finale të Kupës, rrezikon seriozisht edhe vendin e katërt që mund ta cojë në Europë. Partizani nuk shkoi më shumë se barazimi pa gola përballë Skënderbeut në kampionat, në sfidën e luajtur në Elbasan, duke shfaqur simptomat e një skuadre pa ide e të paaftë të fitonte.
Traumat e eleminimit me penallti dhe lodhja e mesjavës ka penalizuar jo pak performancën e të kuqve të Mehmetit që edhe pse luanin në fushën e tyre nuk mundën të vinin diktatin mbi sfidën me vendin e fundit në renditje. Korçarët e nisën më kërkues sfidën, duke pretenduar madje edhe për një 11-metërsh në minutat e para. Ajo që ka ndikuar sezonin e kryeqytetasve, ose më saktë mungesa e precizionit para portës, ishte ulur këmbëkryq në Elbasan Arena me Junior dy herë në të 15 e 17 e Skukën katë minuta nga mbyllja e pjesës së parë të paaftë të shënonin në portën e Rexhepit.
Në pjesën e dytë, loja ishte më e mbyllur, por Skënderbeu pati disa raste të mira me Marën dhe Vrapin, ndërsa të kuqtë u shuan fare dhe madje nuk ishin më as të rrezikshëm. Në fund sfida u mbyll pa gola të shënuara, me skuadrat që u ndanë me nga një pikë. Për Skënderbeun nuk ka asnjë vlerë, përvec faktit se Gega pati kënaqësinë most ë linte ish-skuadrën që e shpalli kampion ta mposhtte, ndërsa Partizani ruajti avantazhin e pikës së cmuar për Europën.
