Teuta dhe Vllaznia nuk shkojnë më shumë se një barazim 1-1, që u vendos me një gol të shënuar në minutën e 99, pas 11 minutave shtesë të akorduara. Teuta mban avantazhin e dy pikëve nga Egnatia në zonën playout, ndërsa Vllaznia qendron ngjitur me Partizanin, një pikë larg, por dështon të bëjë parakalimin që do të ishte kurorëzimi i një jave shumë të rëndësishme…
Pritej një sfidë e luftuar por në fakt ka qenë nën nivelin që pritej, pasi në pjesën e parë dy skuadrat menduan vetëm si të gjenin ndonjë hapësire me pasime nga thellësia dhe krosime nga krahët pa krijuar shumë rreziqe. Në Niko Dovana u luajt me një nxitim që shumë shpesh i pengoi të finalizonin. Ndodhi në përpjekjen e Gjurgjevic në minutën e dytë e në goditjen me kokë të Aralicës pesë minuta më pas, në krosimin e Krujës. Nuk është se bëri mirë edhe Teuta, që vuajti shumë presionin kundërshtar, në një fillim agonistic të ndeshjes.
Në pjesën e dytë, një prekje me dorë në zonën e Teutës shpërtheu protestat e Vllaznisë për 11 metërsh, por Bastari fillimisht sinjalizoi për pozicion ajshtë loje. U deshën katër minuta kontroll në VAR që Latifit ti jepej mundësia për të shënuan nga 11 metra, duke kaluar në avantazh shkodranët në minutën e 60. Avantazhi e bëri skuadrën e Plorit të mendonte vetëm si të mbyllte ndeshjen duke administruar lojën.
Teuta nuk u dorëzua deri në fund dhe pikërisht kur Vllaznia priste vetëm mbylljen e takimit, për tiu gëzuar suksesit të parë me teknikun e ri, erdhi barazimi i Ivanoviç, që breda zonës mposhti një Zogoviç, që vetëm e devijoi goditjen, por pa mundur ta mbante jashtë portës. Një pikë që gjithsesi nuk e largon shumë nga zona e rrezikshme e klasifikimit, ashtu sikurse shkodranët nuk parakalojnë dot Partizanin për vendin e katërt që vlen Europën.
