Pavarësisht një sezoni jo emocionues, Juventusi është gati për një hap të rëndësishëm përpara në Evropë, veçanërisht për sa i përket të ardhurave. Klubi i Juventusit do të ngjitet në vendin e katërt në renditjen historike të Uefa-s, atë të bazuar në paraqitjet e 10 viteve të fundit, duke kaluar Chelsea dhe Atletico Madrid dhe duke siguruar të ardhura të mira për sezonin e ardhshëm prej rreth 33 milionë euro.
Në bazë të kësaj renditje, UEFA shpërndan 600.6 milionë euro në raport me pozicionin e çdo klubi, duke e ndarë shifrën në “kuota koeficientësh” prej afërsisht 1.2 milionë euro. Skuadrës së fundit në renditje do t'i takojë vetëm një kuotë e koeficientit, të cilit me rritjen e renditjes i shtohen aksionet e tjera, deri kur arrin në 32 të parët në renditje (rreth 36 milionë euro).
Në sezonin 2021/22, Juventusi ishte në vendin e gjashtë në renditjen dhjetëvjeçare të Uefa-s dhe për këtë fitoi 30.7 milionë euro, gati dyfishi i klubit italian me renditjen më të mirë - Milan me 17. Me vendin e katërt në renditjen e sezonit të ardhshëm, pas Real Madridit, Bayern Mynih dhe Barcelonës, fitimet e Juventusit do të rriten në rreth 33 milionë euro.
