Me një këmbë në finale. Laçi del me fitore nga ndeshjen e parë gjysmëfinale e Kupës së Shqipërisë ndaj Teutës, duke treguar ambicjet e tyre për trofeun. Kurbinasit imponohen 1-2, në ndeshjen e parë të luajtur nga durrësakët në Niko Dovana pas rikonstruktimit, por ndeshja është e destinuar të ketë polemika. Episodi i inkriminuar erdhi në të 39’ dhe mund të ndryshonte gjithcka, edhe pse në fund nuk bëri asgjë. Arbitri Yzeiraj akordoi penallti për Teutën, pas kontaktit të mes Hebajt dhe Zikos, i ndëshkuar me të verdhë, por nga VAR i bënë shenjë se ka gabuar gjykimin, dhe pas kontrollit të imazheve arbitri anuloi vendimet.
Pas 8 muajsh larg Niko Dovanës, Teuta sic duket nuk ishte mësuar me ambjentin e shtëpisë dhe pësoi gol pas gjashtë minutash. Me mungesën e dy prej protagonistëve absolutë të sezonit të tyre si Guindo, i thirrur nga Mali e Zarubica i dëmtuar, skenën e mori Ujka me një goditje spektakolare nga distanca që i përtheu gishtat Qirkos. Reagimi i Teutës nuk ishte produktiv, ndërsa skuadra e Josës priti me durim rastin për të ndëshkuar edhe njëherë.
Pikërisht në pjesën e dytë, kur durrsakët po insistonin, Adeleke i aktivizuar në të 49 për Harmon e në gol 9 minuta më pas e komplikoi shumë ndeshjen. Vetëm në fund Teuta zbuti efektet e humbjes me një gol në minutat shtesë, që lë gjithcka të hapur në kthim edhe pse kjo fitore do ti shërbejë shumë Lacit, që e ka në fakt një këmbë në finale që tani.
