Alphonso Davies, mbrojtësi 21-vjeçar kanadez i Bayern Mynih, vuan nga "inflamacioni i lehtë i muskulit të zemrës" (miokarditi) ndoshta si pasojë e Covid dhe do të duhet të pushojë për disa javë, zbuloi trajneri bavarez Julian Nagelsmann. Problemi nuk duhet të jetë më shumë se një bezdi, iu përgjigj Nagelsmann pyetjes për ashpërsinë e këtij inflamacioni. Mjekët nuk kanë siguri shkencore për origjinën e sëmundjes, "por probabiliteti që ajo rrjedh nga Covid është i madh", pranoi trajneri.
"Do të jetë jashtë fushës për një kohë të pacaktuar. Nuk është aq dramatike, por duhet të shërohet dhe do të duhet pak kohë," shtoi ai. Gjashtë lojtarë të tjerë të prekur nga Covid do të kthehen në skuadër nesër, për ndeshjen jashtë fushe në Këln, por, tha Nagelsmann, vetëm kapiteni Manuel Neuer dhe Corentin Tolisso janë gati të luajnë nga minuta e parë. Të tjerët, Leroy Sané, Dayot Upamecano, Omar Richards dhe Tanguy Nianzou "janë në fazën e rikuperimit, por jo mjaftueshëm të aftë për të zbritur në fushë që nga fillimi".
