Nuk ndalet Aston Villa në merkato dhe Stiven Gerrard siguron një tjetër përforcim përpara ndeshjes me Manchester United në Premier League. Pas Coutinhos, të ardhur nga Barcelona, tashmë zyrtarisht pjesë e skuadrës nga Birmingami është bërë edhe Lucas Digne. Në katër vite me Evertonin francezi ka luajtur 113 ndeshje e ka shënuar katër gola, ndërsa rriten shpresat e Gerrard, për tu hakmarrë me United për atë skualifikim të pamerituar në FA Cup, kur dy skuadrat të jenë përballë të dielën në kampionat.
28 vjecari, mbrojtësi i majtës i kombëtares franceze, ishte nën kontratë me Evertonin deri më 2025, por marrëdhëniet e tij me teknikun Rafael Benitez ishin komplikuar shumë. Kështu, Digne ka nënshkruar një kontratë katër vjecare me Villians. Çmimi i transferimit ishte 30 milion euro, ndërsa Aston Villa është klubi i gjashtë për francezin, i cili më parë ka luajtur për Lille, Paris Saint Germain, Romën, Barcelonën dhe së fundmi me Everton.
