Flash

Video/ Spektakël me katër gola për një pikë: Chelsea rikuperon dy gola në katër minuta ndaj Liverpool

Lapsi.al 2 January 2022
Video/ Spektakël me katër gola për një pikë: Chelsea

Barazim-spektakël në Stamford Bridge, ku Chelsea rikuperon dy gola disavantazh ndaj Liverpool, pavarësisht mungesës së Lukakut, tani në thyerje të raportit me Tuchel dhe i lënë në tribunë nga trajneri gjerman. Nga një pikë për të dyja, ndërsa buzëqesh Manchester City kryesues, i cili merr në këtë mënyrë 10 pikë epërsi ndaj Blues dhe 11 ndaj Reds. Loja u ndez menjëherë, por Pulisic e lë veten të hipnotizohej nga Kelleher në minutën e 7-të, ndërsa kaluan dy minuta dhe Manè ndëshkoi Chelsean duke shfrytëzuar në maksimum një gabim në mbrojtje të Blues. Liverpool luajti lirshëm, ndërsa vendësit ndjenë tronditjen psikologjike dhe në minutën e 26 pësuan golin e dytë me Salah, që zgjidhi pas një rrëmuje në zonën kundërshtare.

Dukej një ndeshje në të tatëpjetë për Liverpoolin, ndërkohë që projektohej një humbje për Chelsean, por në minutat e fundit të pjesës së parë ndodhi e paimagjinueshmja: një black-out totale dhe e papritur e lojtarëve të Klopp (sot i ndalur nga Covid dhe i zëvendësuar nga asistenti i tij Lijnders) i lejoi skuadrës së Tuchel të barazojnë në vetëm katër minuta: Kovacic shkurtoi diferencën në minutën e 42-të me një goditje të shkëlqyer, Pulisic përfundoi rikthimin e pabesueshëm në shtesë ballë për ballë me Mendy. Me të vërtetë një kolaps i Reds që rrezikuan edhe të shkojnë në disavantazh kur Mount fshikulloi shtyllën pak sekonda nga fundi, duke i lënë gjithësesi shifrat në 2-2.

Ndeshja spektakolare vazhdoi edhe në pjesën e dytë me të dyja skuadrat që luajtën hapur: Mendy është i mrekullueshëm ndaj Salah dhe Manè mes 57' dhe 59', Pulisic mund të shënonte dygolëshin e tij, por Kelleher e fitoi sërish sfidën në të 62'. Më pas ritmi u ul dhe lodhja u ndje, dy skuadrat dhanë gjithçka në pjesën e parë dhe në bilbilin e trefishtë u fiksua një barazim i merituar.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Kërcënimet ndaj Veliajt/ Pse u xhindos Rama për ca drejtorë bashkie

Arsyeja përse Rama arriti deri te kërcënimet mafioze ndaj Veliajt për shkarkimin e disa drejtorëve të Bashkisë së Tiranës lidhet me rrezikun që, përmes këtyre largimeve, kryebashkiaku i burgosur t’i çmontojë makinerinë elektorale të PS-së në prag të zgjedhjeve lokale.

01:22

Me sytë katër

PAPARAZZI