Edhe dje përfundoi me sherr. Këtë herë, megjithatë, jo mes lojtarëve, edhe pse pjesërisht edhe ata u përfshinë. Sidoqoftë, skenat e futbollit pas pandemisë janë ato që njollosin javët e kampionatit francez, tani me rregullsi javore. Në çdo raund, shfaqet një ose më shumë episode dhune midis tifozëve dhe jo vetëm. Dje në Angers, ashtu si në realitet edhe në Montpellier dhe Metz, në fund të ndeshjes kundër PSG, e cila përfundoi mes shtyrjeve dhe ofendimeve të lojtarëve dhe një tentative pushtimi të fushës nga ultrasit.
Por ngjarjet më serioze, dje, i ndodhën Angers, që priti Marsejën. Me ndeshjen të përfunduar, pa emocione të mëdha dhe pa fakte të veçanta në fushë dhe në tribuna në rezultatin 0-0, filloi kaosi në sektorin e ultrasve. Një grupim vendas sulmoi tifozët miq dhe shërbimi i sigurisë u mor përpara nga vrulli i tyre, duke mos qenë në gjendje të parandalonte që fusha të bëhej përsëri një lloj ringu, si më 22 gusht në Nice. Duhej të ndërhynin sërisht policët për të rivendosur qetësinë. Pasdite, ndërkohë, në Montpellier, ultrasit e klubit vendas kishin organizuar një pritë autobusit të tifozëve vizitues në dalje të autostradës. Edhe këtu, një skenë tjetër kaosi dhe një numër përfundimtar prej 16 të plagosurish lehtë.
Sidoqoftë, në mbrëmje, u ndez edhe fundi i ndeshjes mes Metz dhe PSG. Skuadra nga kryeqyteti rrëmbeu fitoren vetëm në minutën e 95-të, por aksionit të fundit i parapriu një seri faullash, kartonësh të verdhë dhe të kuq (për kapitenin Bronn dhe trajnerin Antonetti) që ngritën temperaturën edhe në sektorin e ultrasve vendas. Dhe kështu në bilbilin e mbylljes, disa tifozë u përpoqën të hynin në fushë, ndërsa portieri Oukidja u përpoq të godiste Mbappén. Mes shtyrjeve dhe fyerjeve, të dy skuadrat përfundimisht u kthyen në dhomat e zhveshjes, ndërsa trajneri i Metz kritikoi hapur, jo arbitrat e ndeshjes, por qëndrimin deri diku fodull të francezit kampion Bote.
