Humbja e shëmtuar e Barcelonës, pa as edhe një goditje në portë, kundër Bayern Munich në Ligën e Kampionëve ka vënë në pikëpyetje të madhe pozicionin e teknikut Ronald Koeman. Pas ndeshjes, presidenti Laporta u mbyll në një dhomë me zv/presidentin Yuste dhe drejtorin Alemany për një mini-samit që zgjati deri në orën 2 të mëngjesit. Sipas Sport, holandezi ka tre ndeshje (Granada, Cadiz dhe Levante) për të shmangur shkarkimin.
Në gusht 2020, rezultati 2-8 në Lisbonë kundër bavarezëve i kishte dhënë fund menaxhimit të Quique Setien dhe tani, pak më shumë se një vit më vonë, historia mund të përsëritet. Pas figurës së shëmtuar në Camp Nou në bankën e të akuzuarve ka përfunduar trajneri Koeman, i mbrojtur dhe mbështetur gjithmonë nga Laporta, por pozicioni i të cilit ka filluar të lëkundet.
Alibitë sigurisht që nuk i mungojnë trajnerit portokalli, i cili pa Messin dhe Griezmann të largoheshin, dhe nuk mund të llogarisë as të dëmtuarit Ansu Fati, Aguero, Dembélé dhe së fundmi Braithëaite, të gjithë sulmues. Për ti vënë kapakut momentit jo, në të gjithë këndvështrimet, mbërritën edhe lëndimet e Pedri dhe Jordi Alba: për talentin blaugrana një problem në këmbën e majtë, për mbrojtësin e krahut të majtë një problem me bicepsin femoral të kofshës së djathtë.
Laporta është i tërbuar me trajnerin e tij, por ai nuk dëshiron të marrë vendime të nxituara. Ajo që duket e sigurt është se hollandezi do të luajë pankinën në gjashtë ditë kundër tre skuadrave që sigurisht nuk janë të parezistueshme. Presidenti pret një reagim nga ekipi, shfaqje bindëse dhe 9 pikë.
