FIFA vendos të "falë" klubet e Premier League dhe tërheq protestën zyrtare të dërguar nga federatat braziliane, kiliane, meksikane dhe paraguaiane kundër klubeve që nuk i kishin lënë lojtarët të largoheshin për grumbullimin e ekipit kombëtar. Në këtë mënyrë, të gjithë amerikano-jugorët që luajnë në Angli do të jenë të lirë të dalin në fushë si në kampionat, ashtu edhe në Ligën e Kampionëve.
FIFA fillimisht vendosi të pranojë kërkesën e Brazilit për të sanksionuar klubet që kishin ndaluar largimin e lojtarëve të tyre, duke i pezulluar ata nga të gjitha aktivitetet nga 10 deri më 14 shtator. Bëhej fjalë për Raphina (Leeds), Fred (Manchester United), Thiago Silva (Chelsea), Ederson dhe Gabriel Jesus (Manchester City), Fabinho, Alisson dhe Firmino (Liverpool). E njëjta masë u kërkua edhe nga federatat përkatëse kundër lojtarëve të tjerë që ishin bllokuar në Angli, ose më saktë meksikanit Jimenez (Wolverhampton), kileni Sierralta (Watford) dhe paraguajit Almiron (Neëcastle).
Ato që shtynë shoqëritë angleze të ndalojnë nisjen për në Amerikën e Jugut të lojtarëve të tyre ishin kufizimet anti-Covid, të cilat ende parashikojnë një karantinë të detyrueshme 10-ditore për ata që kthehen në Mbretërinë e Bashkuar nga vendet në listën e kuqe (përfshirë pikërisht Brazilin, Paraguajin, Meksikën dhe Kilin). Tani, me marrëveshjen e komunikuar zyrtarisht nga FIFA, sanksioni është tërhequr dhe skuadrat do të jenë të lira të aktivizojnë lojtarët e tyre si në Premier ashtu edhe në ndeshjet e para evropiane.
