Yolanthe Cabau, ish-gruaja e futbollistit hollandez Wesley Sneijder, është kthyer për të folur për përfundimin e marrëdhënies me ish-mesfushorin e kombëtares së Hollandës dy vjet më parë: "Puna vazhdoi, por shpirti im ishte thyer. Tani vërej në veten time se jam përsëri gati të dashuroj", ka thënë modelja për 100% NL Magazine.
Ndjesitë brenda saj, sic duket kanë ndryshuar, sepse vetëm në fillim të këtij viti Yolanthe komentoi fundin e historisë së dashurisë me Sneijder dhe divorcin me të: "Thjesht nuk mund të vazhdonim më. E kam zemrën të copëtuar. Vetëm tani po e kuptoj sa e rrezikshme është që t’u jepesh krejtësisht personave të tjerë’.
Yolanthe Sneijder-Cabau dhe Wesley Sneijder vendosën të ndahen pas 9 vitesh martesë. Në lajmin për divorcin, dhënë nga gazeta “De Telegraaf” nuk bëheshin të ditur arsyet që cuan në marrjen e këtij vendimi, edhe pse më vonë të dy shpjeguan kontradiktat, me Sneijder që pranoi se kishte "katranosur gjithcka".
