Ashley Cole është kryqëzuar vetëm një herë me Zlatan Ibrahimovic në karrierë, kur luanin në Los Angeles Galaxy e për vetëm një sezon, atë 2018-19. E megjithatë, anglezi ka kujtime shumë të gjalla të personalitetit të suedezit. "Ai ka dy personalitete: me ne ai ishte i shkëlqyer, shumë i përulur, i qetë, por për mediat ai ishte Zoti - këto ishin fjalët e ish-mbrojtësit anglez për A League of their Oën -. Rastiste që hynte në dhomat e zhveshjes dhe i thoshte hapur shokëve se kontrolli i tyre i topit ishte m*t, se nuk arrinin të vraponin, se ishin të ngadaltë, por më pas në intervista personi i tij ndryshonte".
Cole gjithashtu mban mend një episod që i pa të dy të rrezikonin të rriheshin: "Një herë ngriti duart në ajër drejt meje. Unë i thashë: uli ato dreq duarsh poshtë. Brenda meje mendova se ai mund të kishte ndonjë arsye për t'u zemëruar me mua, por nuk duhej të ngrinte duart lart".
