Mbrojtësi i Olympique Lyons, Jerome Boateng ka dalë mëngjesin e sotëm para gjykatës në Mynih (Gjermani), që duhet ta gjykojë ish-lojtarin e Bayern për dhunë dhe lëndime të pretenduara në dëm të ish-partneres së tij. Ngjarja bëhet fjalë se ka ndodhur në vitin 2018.
Ish-mbrojtësi i përfaqësueses së Gjermanisë u shfaq në kohën e duhur për seancën, me një kostum të errët dhe këmishë të bardhë, i shoqëruar nga avokati i tij, Kai Walden e, në fakt, vendimi për cështjen mund të vijë shumë shpejt.
Sipas shtypit gjerman, ngjarjet ndodhën në një hotel në Maldive, ku Boateng po kalonte pushimet në korrik 2018, menjëherë pas eleminimit të Gjermanisë në raundin e parë të Kupës së Botës në Rusi. Prokurori raportoi në sallën e gjyqit versionin e tij të ngjarjes, sipas të cilit Boateng e ka goditur gruan me sende të forta, duke e plagosur atë në krah, si dhe e ka ofenduar. Dënimi maksimal, nëse akuza provohet, është pesë vjet.
