Prezantuesja italiane e "90' minuto", Paola Ferrari, që është përfshirë në një debat në distancë me kolegen Leotta, ka folur për sulmet vulgare ndaj saj, duke rrëfyer edhe dicka shumë personale...
"Kritikat më mbajnë gjallë, bëhem më reaguese kur zemërohem", specifikon Paola Ferrari në një intervistë të gjatë me La Verità. Prezantuesja e emisionit sportiv, "90' minuto" ka përfituar nga rasti për të drejtuar gishtin drejt hipokrizisë së së majtës italiane: "Flitet shumë për kritikat mbi pamjen fizike të grave, por unë u shënjestrova në mënyrë vulgare dhe të fortë, madje edhe nga shumë komedianë të së majtës, mbrojtës të grave kur u përshtatet atyre. Por a e dini çfarë? Për profesionalizmin është e vështirë të më sulmosh: unë bëj gabimet e mia, por përpiqem të jem e përgatitur. E atëherë u gjet mënyra: je plakë, nëse del mirë është meritë e ndricimit".
Paola gjithashtu ka rrëfyer edhe për një sëmundje të keqe: "Kjo është dicka që i rëndon kritikat. Unë kisha një tumor malinj, në fytyrë. Destabilizues, për ata që punojnë në video. Unë u përballa me të dhe isha me fat sepse nuk isha në rrezik për jetën. Frikën e ndjeva më vonë".
