Minuta e 91 mund të rrezikonte të gjithë përpjekjet e bëra në ndeshjen e kthimit kundër Universitateas së Kraiovës: Sherri devijoi si mundi duke e përplasur topin në shtyllë, për pritjen më të rëndësishme të takimit, atë që vlen kualifikimin. Pastaj 9 minuta shtesë, një goditje dënimi që fshikulloi shtyllën e kartoni i kuq për asistentin e Duros që protestonte për kalimin e kohës shtesë vetëm sa rritën adrenalinën tek bardhezinjtë që në fërshëllimën e fundit festojnë historinë e tyre të re, në të cilën tani i prêt Anderlecht.
Laci rrëmben kualifikimin në tokën rumune me një performancë solide e plot me zemër. Është dashur pak nga të gjithë në fakt në transfertën rumune për të mbrojtur 1-0 e ndeshjes së parë, edhe pse impaktin më të mirë me ndeshjen e patën pikërisht kurbinasit. Roganovic në minutën e 8’ e Malota në minutën e 22’ frikësuan Universitatean, që ndoshta e mendoi të thjeshtë përmbysjen e një goli në sfidën që luante në shtëpi.
Rumunët u panë vetëm njëherë vërtetë rrezikshëm në portën e Lacit në pjesën e parë, por edhe atëherë Koljic u përplas me reflekset e një Sherri spektakolar në minutën e 35. Minutat që kalonin rritën konfidencialitetin e skuadrës së Duros, që megjithatë shpenzoi mundësi që mund ta penalizonin, duke parë si erdhi loja. Guindo nuk shfrytëzoi mundësinë e minutës së 44, por bëri edhe më keq 7 minuta pas rifillimit, kur i gjetur në zonë nga Zarubica goditi keq dy herë duke mos u besuar as vetë syve. Sulmuesi i ardhur nga Bylis, me rastet e humbura mbajti me shpresë Universitatean, duke i dhënë mundësinë që në minutën e 91 të godisnin shtyllën e në të 94 të rrezikonin me një goditje dënimi që kaloi ngjitur me shtyllën.
Në fund, pas 100 minutave betejë në Kraiovë, bardhezinjtë mbrojtën golin e ndeshjes së parë që e katapulton Lacin tashmë në raundin e tretë të Conference League, në një arritje historikë: shkojnë për herë të parë kaq larg në Europë.
