Komiteti Ekzekutiv i Uefa ka përcaktuar qytetet që do të presin finalet e kompeticioneve të Uefa-s në vitet e ardhshme. Pas zhvendosjes së finales së Ligës së Kampionëve 2021 nga Stambolli në Porto, është vendosur që në Stadiumin Olimpik Ataturk të luhet finalja e vitit 2023. Si pasojë, akti i fundit i vitit 2023, i planifikuar fillimisht në Mynih, do të zhvillohet në qytetin gjerman në 2025. Finalja e 2024 shkon në Wembley.
Përveç kësaj, ngjarja hapëse e sezonit të europian për klube, që përfshin shortet në fazën e grupeve të Champions League, Europa League dhe Europa League League, do të zhvillohet në Stamboll në fund të gushtit për sezonet 2021/22 dhe 2022/23.
Si pasojë e tërheqjes së dy qyteteve pritëse të Euro 2020, Komiteti Ekzekutiv i Uefa-s miratoi një marrëveshje për të organizuar disa finale të kompeticioneve të klubeve në të njëjtat qytete, duke njohur përpjekjet e tyre dhe investimet financiare në përgatitje të turneut. Kështu, Dublini do të presë finalen e Europa League në 2024, ndërsa Bilbao do të organizojë finalet e Ligës së Kampionëve për femra në 2024 dhe Europa League në 2025.
