Sapo ka nisur zyrtarisht sezonin e ri dhe gjërat nuk kanë shkuar si duhet: Lazio tashmë e gjen veten që duhet të merret me Covid. Sipas La Gazzetta dello Sport, një rast pozitiviteti është shfaqur pas tamponeve të kryera në funksion të ndeshjes së parë miqësore të bardhekaltërve në kampin stërvitor në Auronzo di Cadore, të planifikuar në orën 18.30 kundër një përzgjedhje lokale. Sipas asaj që mësohet ka qenë një lojtar i ri nga moshat që u bashkua me grupin e Sarrit ai që ka rezultuar me Covid.
Futbollisti tani është detyruar të izolohet, ndërsa pjesa tjetër e ekipit po kryqëzon gishtat: testet e reja janë planifikuar në fakt paradite, me shpresën se nuk do të shfaqet ndonjë pozitivitet i mëtejshëm dhe se puna përgatitore mund të vazhdojë siç është planifikuar.
