Ferencvaros e kishte siguruar praktikisht të drejtën për tu kualifikuar më tej, pas fitores 3-0 në ndeshjen e parë përballë Prishtinës, por hungarezët kanë menduar ti mbajnë larg rreziqet, duke zbritur në fushë edhe me yllin e tyre të skuadrës Myrto Uzunin. Sulmuesi i kombëtares kuqezi është përballur me ish-shokët e tij të Superiores, që luajnë për skuadrën kosovare dhe i ka shënuar gol në minutën e 48. Beratasi e ka kaluar topin mes këmbëve të portierit, por nuk ka festuar, duke qenë se i ka shënuar një skuadre shqiptare.
Uzuni nuk arriti të lërë gjurmë në ndeshjen e parë, ndërsa në Prishtinë i ka shkaktuar dëm katër ish-futbollistëve të Superiores, Besnik Krasniqi, Oto Xhon, Sabien Lilaj dhe Gledi Mici, që duhet të dorëzohen përballë klasit të sulmuesit të Ferencvaros.
