Nuk kishte dyshime, por tani është zyrtare: i përjetshmi Florentino Perez do të jetë presidenti i Real Madrid edhe për katër vitet e ardhshme. Asnjë befasi përballë rizgjedhjes së tij deri në vitin 2025, gjithashtu sepse nuk kishte kandidatë rivalë që mund ta pengonin rrugën e tij: i zgjedhur për herë të parë në krye të klubit në vitin 2000, kur ai arriti të kalojë Lorenzo Sanz, Perez pastaj u rikonfirmua në 2004, në 2009, në 2013, në 2017 dhe tani në 2021. Si numri një i Blancos, ai fitoi 26 trofe, përfshirë pesë Champions, dhe solli në Madrid një numër mbresëlënës të kampionëve si Figo, Zidane, Ronaldo Fenomeni, Beckham, Kakà, Cristiano Ronaldo, Benzema, apo Bale. Kampionë të së kaluarës dhe të tashmes, tek të cilët mund të shtohen në të ardhmen lojtarët më të mirë të futbollit botëror: Kylian Mbappé dhe Erling Haaland janë në fakt në shënjestër të Perez, janë ata sulmuesit me të cilët ai do të lidhë mandatin e tij të ri, ata për të cilët ai do të shkojë në gjueti të gjashtë titujve që ende e ndajnë atë nga rekordi i Santiago Bernabeu.
Real i Florentino Perez tani po luan Ligën dhe Ligën e Kampionëve (në kampionat është një luftë e trefishtë me Atletico dhe Barcelona, në Evropë duhet të kapërcehet Liverpooli për të arritur në katër më të mirët e kontinentit) dhe pavarësisht krizës ekonomike të shkaktuar nga pandemia vazhdon planin për të ardhmen duke u përqendruar tek më të mirat në dispozicion në merkato. Nga ky këndvështrim, Mbappè është objektivi i parë për mandatin e ri presidencial katër vjeçar, më shumë sesa Haaland, sepse është më shumë në përputhje me idenë e Florentinos për argëtim në futboll: prandaj puna do të përqendrohet te sulmuesi i PSG duke filluar nga vera e ardhshme, koha e duhur për ta bërë atë yllin e stadiumit të ardhshëm futuristik Bernabeu, i cili do të jetë gati në 2022.
