Fitorja e parë në Botëror për Pierre Gasly që triumfon në GP e Italisë në F.1 pas ndërprerjes me flamurin e kuq të garës për shkak të aksidentit të Charles Leclerc në Parabolica. Ka dalë mrekullisht i paprekur piloti nga një përplasje e dhunshme, ndërsa KO për problem me frenat për ferraristin tjetër Sebastian Vettel. Rikuperoi deri në vendin e shtatë Hamilton, që u penalizua përnjë ndalesë kur korsia e box-eve ishte e mbyllur. Në podium me Gasly në vendin e dytë është renditur Carlos Sainz, që ka lënë pas Lance Stroll.
12 vjet më pas, skuadra e ngritur nga hiri i Minardit kthehet tek fitorja në Cmimin e Madh të Italisë. Edhe atëherë si sot, një garë jo normale: në 2008 për shkak të shiut, këtë vit për pasojat e provokuara nga flamuri i kuq përpara mesit të garës, nga aksidenti i frikshëm i Charles Leclerc. Në xhiron e 25 piloti i Ferrarit humbi kontrollin e SF1000 dhe përfundoi tek barrierat në dalje të Parabolica-s me më shumë se 200km/h. I paprekur për fat Charles, e shkatërruar makina me numër 16. Ishte ndalur shumë më parë, në xhiron e gjashtë, Sebastian Vettel.
Përvec se për aksidentin e Leclerc, Safety Car rezulton në një farë mënyre vendimtar edhe për Lewis Hamilton, dominues i garës deri në atë moment. I thirrur në box për pit stop kur korsia ishte ende e mbyllur, 6 herë kampioni i botës ka marrë një 'stop and go' penalizim me qendrimin për 10 sekonda. Rikuperimi nga fundi i grupit i ka lejuar Lewis ta mbyllë GP në zonën e pikëve (settimo). Anglezi limiton kështu dëmet, duke qenë se Valtteri Bottas nuk shkon më shumë se vendi i 5, ndërsa Max Verstappen tërhiqet për herë të dytë në sezon për shkak të problemeve në power unit të Red Bull.
