Ish-deputetja e Partisë Demokratike Jorida Tabaku akuzon kryeministrin Edi Rama se i vendosur përpara fakteve nga PD për koncesionin 400 mln euro, mohoi shifrën dhe u betua se nëse e provonim atëherë do të dorëhiqej. Ajo publikon edhe një video që sipas saj është prova që e nxori zbuluar.
“Përditë nga një gënjeshtër me shpresën se ne dhe shqiptarët do t’i harrojmë apo do t’ia falim paratë e vjedhura. Ta harrojë ai dhe gjithë bashkëpunëtorët e tij. Dëgjojeni dhe shiheni edhe një herë si është zotuar dhe mos harroni që sa herë që flet ka një gënjeshtër. Fshihet pas të tjerëve kur vjen fjala tek përgjegjësia, frikacaku që i shmanget përgjegjësisë së premtimit të bërë publikisht” – shkruan Tabaku.
