Mes tensionesh dhe përplasjesh fizike është shoqëruar dëgjesa publike mes banorëve të fshatit Bajkaj në Delvinë, me zyrtarë ministrisë, bashkisë dhe firmës Dinamika Shpk.
Banorët kanë protestuar në Qafën e Bresherit aty ku planifikohet gurorja.
Sipas tyre, dëgjesa organizohej pa dijeninë e banorëve.
Në zonën ushtarake pak metër larg banesave të fshatit, është hartuar një plan projekt për të kthyer 96.000 metër katrorë tokë në gurore.
Banorët e kundërshtojnë një projekt të tillë, sepse sipas tyre jo vetëm që nuk do të sjell përfitime për zonën, por do të dëmtojë agroturizmin, dhe mjedisin.
Banorët e fshatit Bajkaj kanë firmosur një peticion drejtuar, Ministrisë së Mjedisit ku kundërshtojnë hapjen e gurores.
