Përveç të tjera kjo pandemi nuk ka lejuar të afërmit t’i japin lamtumirën e fundit të dashurve të tyre. Një rast i rrallë vjen nga Palestina ku një i ri i identifikuar si Jihad Al-Suwaiti, nuk i ka rezistuar këtij tundimi dhe ka gjetur mënyrën e rrezikshme për të vizituar të ëmën që ndodhej e shtruar në spital. Nëna e tij ishte e infektuar me COVID-19 dhe mjekët nuk e lejuan disa herë që ai ta vizitonte.
Mjekët e spitalit e njoftuan 30-vjeçarin se gjendja e nënës ishte tepër rëndë dhe ksihte shumë mundësi që ajo të ndërronte jetë. Në këto kushte, i riu vendosi të ngjiste godinën e spitalit nga pjesa e jashtme dhe të vendosej në dritaren e dhomës ku ndodhej e ëma. Këtë veprim ai e bëri deri në momentin kur mjekët e njoftuan se nëna e tij kishte ndërruar jetë.
