Janë publikuar pamjet e automjetit tip ”Volkswagen” me të cilin autorët e vrasjes së Emiljano Ramazanit në Elbasan u larguan për ta braktisur dhe djegur në dalje të qytetit, në një ullishte në Bradashesh.
Mjeti ”Volkswagen” kishte targën AA 819 KX e cila rezulton e vjedhur 10 ditë më parë në Tiranë. Nga ky automjet pak çaste më parë autorët qëlluan me 5 plumba Emiljano Ramazanin duke e lënë të vdekur në vend.
Ndërkohë Ramazani ishte në një makinë tjetër ”Ford Focus” me targat AA 945 DG dhe ekzekutimi ka ndodhur nga makina në makinë.
I dënuar për trafik kokaine dhe heroine, e shkuara problematike e Emiljano Ramazanit
39-vjeçari nuk është një emër i panjohur për Policinë, ndërsa mësohet se është me precendetë të mëparshëm penalë. Nga hetimet e para dyshohet se Ramazani u ekzekutua për pazare droge.
Në vitin 2012 gjatë operacionit të koduar “Tabakane 2”, Emiljano Ramazani i njohur edhe me nofkën “Rramani” u arrestua së bashku me 5 persona të tjerë pasi prokuroria kishte prerë fletë arresti për prodhimit dhe mbajtjes së lëndëve narkotike të kryer në bashkëpunim në formën e shitjes më shumë se një herë.
Nuk dihet se si i ka shpëtuar drejtësisë 39-vjecari pas këtij arrestimi por dihet se edhe në vitin 2017, Emiljano Ramazani është arrestuar nga blutë e Elbasanit në kuadër të operacionit ‘Porosia e fundit’. Asokohe, 39-vjeçarit iu sekuestruan 10 doza kokaine gati për shitje.
