Inter tregon forcën përballë Sampdorias, duke u rivënë në ndjekje të Juventus kryesues, por zikaltrit e Contes tregojnë limitet e tyre në pjesën e dytë, pavarësisht se Handanovic iu desh të bënte vetëm një pritje ndaj Leris.
Conte merr atë që kërkonte që në pjesën e parë, që ishte një monolog i zikaltërve me mbrojtësit dorian: në të 10’ Lukaku dialogoi me Eriksen, asist gjenial i danezit e gol i belgut, që festoi duke u gjunjëzuar në mbështetje të George Floyd. Është vetëm Inter në fushë në pjesën e parë e këtë herë është Candreva që krijoi një mundësi që Lautaro nuk e shpenzoi dëm.
Sampdoria kërkonte të reagonte dhe loja bëhet më e ekuilibruar: Thorsby shënoi pas traversës së Colley e Inter iu desh të vuante deri në fund, pavarësisht se nuk rrezikuan ndonjë gjë të madhe prapa, duke i dhënë një tjetër sinjal të rëndësishëm Contes edhe në aspektin difensiv.
