Java e 30 e Premier League ka treguar se për Liverpool duhet ende kohë të shpallet kampion, pas barazimit pa gola në derbin me Everton. Konfirmimin për formën e mirë e ka dhënë Chelsea, që rrezikoi në shtëpinë e Aston Villa, por pastaj përmbysi gjithcka me një 2-1 që konsolidon vendin e katërt në klasifikim. Në ndeshjen tjetër, 3-0 i Newcastle ndaj Sheffield United.
EVERTON-LIVERPOOL 0-0
Përfundoi pa gola e me pak emocione derbi i Merseyside numër 236 mes Reds e Toffees. Një rezultat që vetëm në rastë të rralla, të përqendruara në fund, është vënë në diskutim e që vjen pas 90 minutash zhgënjyese në krahasim me pritshmëritë. Pavarësisht barazimit, Liverpool është i sigurtë në krye të klasifikimit, duke i cuar në 23 pikët e avantazhit ndaj Manchester City, i impenjuar të hënën kundër Burnley. Mbetet në mesin e renditjes Everton, që barazohet me Newcastle në kuotën e 38 pikëve, -6 nga zona Europiane.
ASTON VILLA-CHELSEA 1-2
Chelsea rifillon, pas ndalesës së gjatë, me tre pikë të rëndësishme në luftën për Champions, të cilat i mori falë një përmbysje që konfirmoi personalitetin e Blues. Londinezët diktuan një ritëm të lartë që në fillim, duke tentuar në të paktën tre raste portën e Nyland: Mount në të 21’, Kovacic në të 32’ me topin që gati i shpëtoi nga duart portierit e kohën vonesë të Loftus-Cheek në të 39’. Vetëm se në avantazh shkoi skuadra e Dean Smith, dy minuta para se skuadrat të zbrisnin në dhomat e zhveshjes. Lampard provoi të ndryshonte letrat në tavolinë me Barkley e Pulisic. Lëvizja është e duhura dhe në të 60’, kur pikërisht amerikani shfrytëzoi krosimin e Azpilicueta duke firmosur barazimin. Dy minuta më pas Blues kompletuan përmbysjen: këtë herë është Giroud që e dërgoi topin në rrjetë i ndihmuar edhe nga një devijim i lehtë i Hourihane. Fitorja i ka lejuar Chelsea të mbajë vendin e katërt me 51 pikë, +5 nga Manchester United e Wolverhampton.
NEWCASTLE UNITED-SHEFFIELD UNITED 3-0
Është një rinisje për tu harruar për Sheffield United: pas polemikave të së mërkurës për golin e padhënë kundër Aston Villa për një gabim të Goal-line Technology, skuadra e Chris Wilder gjeti në Newcastle një humbje të rëndë, e para në Premier League nga 21 janari. Dy skuadrat në fushë ruajtën ekuilibrin deri në të 50, kur John Egan, pengoi Joelinton duke marrë kartonin e dytë të verdhë. Magpies kishin nevojë për vetëm 4 minuta që të përfitonin: Matt Ritchie krosoi ulët drejt qendrës së zonës e Saint-Maximin nuk gaboi. Pavarësisht dy tenttativave të miqve, skuadra e Steve Bruce mbylli llogaritë mes 69’ e 79’, me dy golat e Ritchie e Joelinton. Në klasifikim Newcastle ngjitet në kuotën 38 pikë e largohet ndjeshëm nga zona e nxehtë, ndërsa Sheffield mbetet i shtati -2 nga vendi i pestë, me 44 pikë.
ENGLAND - PREMIER LEAGUE
Newcastle United 3 - 0 Sheffield United
Aston Villa 1 - 2 Chelsea
Everton 0 - 0 Liverpool
