Përfaqësuesi i qeverisë, Gjiknuri, u shpreh se heqja dorë nga institcioni i Avokatit të Popullit, dhe ardhja me zgjidhjen në Kuvend, është hap për t’u përshëndetur. Por sërish, ai tha se propozimi i opozitës, e politizon KQZ-në. Gjiknuri deklaroi se mund të ketë zgjidhje brenda kësaj skeme të komplikuar që ka propozuar opozita, por tha se duhet të sigurohet pjesmarrja e gjithë deputetëve të Parlamentit. Ideja e Opozitës, është që të jetë një trupë e votuar në Kuvend, me anëtarë të propozuar nga PS, PD dhe LSI, që të përzgjedhë kandidaturat për 3 nivelet e Komisionit Qendror të Zgjedhjeve. Skema fillestare e Opozitës, ishte që këtë proces ta realizonte Avokati i Popullit.
