“Nuk mundet dot ju të bllokoni asgjë dhe të pengoni asgjë. Për më tepër kur fillojnë ato kërcënimet, “shiko se do ngrihen këta dhe do ngrihen ata”. Kjo e ngritjes është “thirri, thirri të të ngrihet, ai i shkreti kokulur s’të përgjigjet dot”.
Kjo deklaratë e kryeministrit Edi Rama në seancën e Kuvendit solli mjaft reagime politike por edhe në rrjetet sociale. Gjatë protestës së sotme të tregtarëve që kundërshtojnë përfshirjen e biznesit të vogël në skemën e TVSH-së, një prej tyre mes revoltës dhe ironisë u shpreh kështu për deklaratën e kryeministrit.
“Se populli nuk është nga ai që tha ai për popullin. E tha për rrushin e vetë ai, nuk e tha për rrushin e popullit. Ta dini, thuajini, asnjë lloj vize mos t’i hiqni kësaj. Ky është populli, populli të ngre e të ul. Se ka ikur gjithë rinia more zotëri, s’ka rini", u shpreh tregtari.
