Partia Demokratike i është përgjigjur akuzave të bëra nga kreu i grupit parlamentar demokrat Taulant Balla në një takim në Elbasan. Balla ka ironizuar mbi mosbindjen civile të opozitës duke u shprehur se kryetari i Partisë Demokratike, Lulzim Basha nuk paguan faturën e ujit të pijshëm nga shtatori i 2017.
Por në reagimin e Partisë Demokratike këto deklarata konsideron shpifje dhe mashtrime.
“Taulant Balla ka shpifur dhe mashtruar sot kundër Lulzim Bashës. Është një lolo i vogël që Edi Rama përdor çdo ditë për të mashtruar njerëzit që ata të mos mendojnë për Saimir Tahirin, Agron Xhafajn, Damian Gjiknurin, Vangjush Dakon.
Regjimi i banditëve në pushtet mund të mbahet në këmbë vetëm me shpifje, mashtrim dhe manipulim, sepse e vërteta i rrëzon dhe do t’i rrëzojë. Atëherë shqiptarët do të clirohen dhe argëtohen me fundin qesharak të lolove si Balla” - thuhet në reagimin e PD-së. ©LAPSI.al
