Protesta kundër taksës në Rrugën e Kombit duket se ka bërë bashkë demokratë e socialistë në Kukës. Anëtarët e këshillit bashkiak u bënë pjesë e protestë të shtunën në Kalimash pavarësisht bindjeve të tyre politike, por socialistët u përjashtuan nga partia nga Edi Rama. Një prej tyre është anëtari i këshillit bashkiak Kukës, Ylli Çitaku. I përjashtuar nga radhët e socialistëve Çitaku i tha INTV përjashtimi i tij ishte i padrejtë.
“Jam Ylli Çitaku anëtar i këshillit bashkiak, përjashtimi im është i padrejtë. Kam 6 vite pjesë e PS, i kam qenë Edi Ramës në zyrë, e sot jam i penduar”, - tha ai.
Prej 6 vitesh pjesë e strukturave socialistet Ylli Çitaku thotë se sot është i penduar se përse votoi këtë parti, e cila sipas tij po ua vështirëson çdo ditë e më shumë jetën qytetarëve.
“Taksa e Rrugës së kombit, drita, ujë, taksa e ndërtesës. Nuk mund ti përballojmë dot. Tani do të angazhohem me Partinë Demokratike”, - tha Çitaku.”.
Prej 3 ditësh ai qëndron në Tiranë në mbështetje të të ndaluarve pranë Drejtorisë së Policisë. Ndërsa pritet vendimi i masës së sigurisë për të ndaluarit nuk kanë munguar përplasjet mes protestuesve dhe policisë në kryeqytet.
