Detaje të reja dalin në dritë nga vrasja që tronditi gjatë natës Shkodrën. Ngjarja e rëndë ndodhi në fshatin Hot i Ri.
Viktima dhe autori ishin shok, ndërsa sherri kishte nisur në një lokal. Mendohet se nën ndikimin e alkoolit, Kristian Shkambi ka goditur me thikë shokun e tij Kole Fermasi, ky i fundit humbi jetën menjëherë në vendngjarje.
Njoftimi i Policisë:
Me datë 02.04.2018 rreth orës 00.30 në fshatin Hot, Shkodër, pas një konflikti për motive të dobëta, është goditur me mjete prerëse (thikë) shetasi K. F. 28 vjeç, i cili si pasojë e plagëve të marra ka gjetur vdekjen në Spitalin Rajonal Shkodër.
Shërbimet e Policisë kanë shkuar në vendngjarje dhe falë veprimeve të shpejta hetimore kanë identifikuar dhe arrestuar autorin e kësaj ngjarje, shtetasin:
Kristjan Shkambi, 27 vjeç, banues në fshatin Hot i Ri. Grupi hetimor po vijon punën për sqarimin e plotë të rrethanave të kësaj ngjarje.
