Monika Kryemadhi ka treguar një histori të sajën personale me kryeministrin Edi Rama, duke thënë se çfarëdo lloj gjëje që ai prek thyhet.
E ftuar në emisionin Repolitix, kryetarja e LSI-së i ka treguar gazetarit se në ditën e Pavarësisë së Kosovës, ajo kishte takuar bashkëshorten e Kryeministrit dhe në një moment të dytë kur kishte lëvizur, në tavolinë ishte shfaqur Rama.
Ky i fundit i kishte puthur dorën Erës, vajzës së vogël të Kryemadhit, e pikërisht, një javë më vonë vogëlushes i ishte thyer dora.
"Të jeni të bindur që jo. Kur ishim në Kosovë me rastin e pavarësisë, nuk u takova me Edin, por me Linda Ramën. Unë isha me Bashën dhe isha edhe me Erën, ai kaloi aty i puthi dorën Erës dhe pas 1 jave theu dorën. I thashë se çdo gjë që prek ai thyhet. Edhe po ta shikoja, do t’i thoja mirëmëmngjes, jep dorëheqjen" tha Kryemadhi.
