Ish-kryeministri Sali Berisha i është rikthyer sërish këtë të mërkurë debatit për marrëveshjen e detit me Greqinë dhe akuzat për një nga negociatorët, Artur Meçollari, i akuzuar nga vetë ai si spiun. Përmes një postimi në Facebook, Berisha thotë se Rama mbrojti dy ditë më parë Artur Meçollarin, duke e shpallur si patriot të vërtetë.
“Marrëveshjen e shitjes së detit nga Rama dhe spiuni i tij patriot! Te dashur miq, dy dite me pare Edvin Kristaq Rama shpalli para shqiptareve spiunin Artur Meçollari, qe ai perdori per faljen e detit, si patriot te vertet. Ai nuk guxoi te mohonte dosjen e tij te spiunit por deklaroi se ai, spiuni i njohur, eshte patriot i vertet.
Me kete deklarate Rama nuk kishte hallin e Meçollarit por te marreveshjes se detit, me te cilen ai i fali Greqise fushat me te mbedha te naftes dhe gazit ne Jon dhe Mesdhe.
Por natyrisht, kur si apatrid ke konsumuar aktin e tradhetise se larte kombetare, spiuni te duket lule, patriot e shkuar patriotit! Sb” shkruan Berisha
Artur Meçollari është një prej negociatorëve të marreveshjes me Greqinë për çështjen detare, ndërsa është akuzuar nga opozita si ‘spiun’.
