Presidenti grek Prokopis Pavlopoulos ka ripërsëritur kërkesat e tij ndaj Shqipërisë për respektimin e së drejtës ndërkombëtare dhe të të drejtave njerëzore, përfshi këtu edhe minoritetin grek.
Teksa mbështet integrimin e Shqipërisë në BE ai shprehet, “mbështesim perspektivën europiane të Shqipërisë mike.
Megjithatë, kjo perspektivë varet nga respektimi i plotë i së Drejtës Ndërkombëtare dhe asaj Europiane, në veçanti nga respektimi i të drejtave themelore të njeriut dhe sidomos nga të drejtat e pakicave dhe e drejta për pronën”, tha Pavlopoulos.
