“Nuk ka asnjë çështje çame dhe sigurisht që nuk është temë diskutimi mes dy palëve”. Kështu ka thënë ministri i Jashtëm i Greqisë, Nikos Kotzias, në në një letër drejtuar deputetëve të opozitës greke, pas interesimit të tyre për bisedimet me Shqipërinë, nëse ka qenë apo jo cështja came pjesë e diskutimeve.
Kotzias thotë se bisedimet “janë fokusuar në çështjet dypalëshe në të cilën ka pasur mosmarrëveshje apo ishin të lëna në harresë 70 vitet e fundit” dhe beson se ka pasur “progres substancial drejt gjetjes së zgjidhjeve të qëndrueshme për këto çështje, për të mirën e përbashkët të të dy vendeve dhe e qytetarëve të tyre dhe në përputhje me rregullat dhe vlerat evropiane”.
Në të njëjtën kohë ka një “përmirësim të madh të klimës në marrëdhëniet greko-shqiptare”, e cila është “një rezultat i dialogut të hapur mes dy palëve” dhe “tani certifikuar edhe me akte konkrete”
Partia Drejtësi Integrim dhe Unitet ka akuzuar qeverinë shqiptare se nuk e ka marrë në konsideratë cështjen came gjatë negociatave me Greqinë.
