Pas takimit të Edi Ramës sot me kryeministrin grek, Aleksis Cipras në Davos, komentuesit i shkruajnë në Facebook se ai duhet të guxojë diskutojë me homologun çështjen çame dhe jo disa eshtra të ushtarëve grekë në Shqipëri.
Kaq ka mjaftuar për Ramën që t’i hakërrehet komentuesit duke i thënë se nuk e ka idenë se për çfarë po flet dhe se duhet të flasë për gjëra të cilat nuk i kupton.
“Kështu që merru me gjërat që kupton dhe përpara se sa të flasësh për ato që s’kupton, hap librat e lexo dhe hap veshët e dëgjo përpara se sa të hapesh gojën.” – i përgjigjet kryeministri një komentuesi në Facebook.
Replikat e Edi Ramës me komentuesit:
Komentues 1: Duket se i paske shkuar për qejfi Tsipras se ata nuk të japin gjë jo. Qamët guxove ti përmendësh?
Edi Rama: Nga duket apo nga dylbitë e tua largpamëse dhe shkruhet çam jo qam, se është njësoj si te të quajnë ty Gjevdet e jo Xhevdet???? Mos u ngut Xhevdet dhe mos e lër gojën të flasë para mendjes e mendjen të punoje e palidhur me realitetin e fakteve???? Shëndet e mbarësi
Komentues 2: Pse nuk e merr Guximin për diskutimin e çështjes çame të cilët janë masakruar në trojet e tyre por diskutoni çështjen e eshtrave e disa ushtarëve grek
Edi Rama: Ti nuk di çfarë flet sepse nuk ke asnjë ide po veç zhurmë kazani në vesh, pre ato që thua! Kështu që merru me gjërat që kupton dhe përpara se sa të flasësh për ato që s’kupton, hap librat e lexo dhe hap veshët e dëgjo përpara se sa të hapesh gojën.
