Këshilltari i kryeministrit Rama për çështjet elektorale dhe njeriu i afërt i Toni Blait, Alastair Campell ka shkruar një shkrim të gjatë pro shqipërisë së Edi Ramës ku ai përshkruan njohjen me të, tregon për vendin dhe në fund rendit tre arsye se pse bashkëkombasit e tij duhet ti kalojnë këtu pushimet. Ato janë: "Në radhë të parë edhe me paundin në rënie për shkak të BREXIT, është lirë, ndryshe nga destinacionet e tjera evropiane ku sterlina juaj do të ikë shumë më shpejt sesa përpara gënjeshtrat e Johnson/Farage/Dacre/Mudroch të fitonin. Në radhë të dytë ushqimi dhe klima janë mesdhetare. Sot është 32 gradë me një erë të lehtë dhe të këndshme. Së treti edhe pse për mua asnjë pamje në botë nuk është më e bukur se malësia skoceze, Bajroni kishte të drejtë se malet shqiptare i përafrohen shumë. Së katërti, ka shumë plazhe të mira. Së pesti, njerëzit janë shumë të sjellshëm dhe për shkak të rolit që luajtëm për të mbrojtur shqiptarët e Kosovës, gjatë kohës së spastrimit etnik nga serbët në regjimin e Millosheviçit, ata kanë një tendencë që t’i pëlqejnë britanikët".
