“Miss Serbia” ka vendosur të largohet nga gara e “Miss Globe” e cila do të zhvillohet në Shqipëri në qytetin e Shkodrës. Lajmin e ka konfirmuar vetë organizatori i këtij eventi Petri Bozdo, i cili ka shprehur keqardhjen e tij për këtë vendim të vajzës serbe. “Më vjen keq për këtë sepse të gjitha vajzat serbe që kanë marrë pjesë në Miss Globe, gjatë viteve të kaluara, janë larguar me përshtypjet më të mira nga Shqipëria e madje kanë shprehur edhe dëshirën të kthehen sërish. Por ky ishte vendimi i tyre”, ka thënë Bozdo.
Vendimi i Serbisë për tu larguar nga gara vjen pas tensionit që ka përfshirë të dyja shtetet si pasojë e ndeshjes së organizuar në Beograd midis Serbisë dhe Shqipërisë.
