Bota e modës dhe e artit është zgjuar sot me një krijues më pak. Oscar de la Renta, një prej stilistëve më të njohur ka ndërruar jetë ne moshën 82 vjeçare. Fama e tij erdhi në vitet ’60 kur filloi të vishte bashkëshorten e Presidentit Amerikan, Jacqueline Kennedy, ndërsa vitet që do të pasonin, stilisti domenikan punoi edhe për emra si Lanvin apo Balmain. Mesazheve keqardhëse për këtë humbje, i është bashkuar edhe supermodelja shqiptare Emina Çunmulaj e cila gjatë karrierës së saj nëpër pasarela ka pasur fatin të punojë për këtë markë të madhe të modës së lartë.
Emina në pasarelë me Oscar de la Renta, Pranverë 2006
