Këngëtari kosovar i muzikës rap Getoar Selimi i njohur si “Ghetto Geazy” ka mbërritur në Spitalin Amerikan në dalje të Prishtinës rreth orës 13.00 të së dielës. Portali Indeksonline shkruan se Geti ankohej për dhimbje të forta të barkut. Me të ishte nëna e tij, vëllai Liberiani dhe 3 persona të tjerë. Meqë ishte diel ai nuk mundi të marrë ndihmën e nevojshme pasi mungonte urologu.
Një person që ishte me të dhe fliste në telefon tha se fillimisht dyshohej se Geti e kishte zorrën qorre, mirëpo pas vizitës në QKUK fillimisht ishte konstatuar se nuk ishte zorra qorre.
“Pasi qëndroj për rreth 15 minuta në Spitalin Amerikan, Geti dhe shoqëruesit e tij u drejtuan për një spital tjetër për të kërkuar ndihmë” - ka thënë një burim i sigurt që ishte në spital gjatë kohës sa ishte edhe reperi. Nuk dihet saktësisht për çfarë ankonte Getoari por ai vazhdimisht ankohej nga dhimbjet që kishte në bark./lapsi.al/
